AMAKURU

UKWEZI
ubumwe

Minisitiri Mimosa yaganirije abasore b’ Amavubi bagiye gucakirana na Cameroon

Minisitiri Mimosa yaganirije abasore b’ Amavubi bagiye gucakirana na Cameroon
17-11-2019 saa 13:16' | By Nsanzimana Ernest | Yasomwe n'abantu 4164 | Ibitekerezo

Minisitiri wa Siporo Aurore Mimosa yaganiriye n’ abakinnyi b’ Amavubi bagiye gukina n’ Ikipe y’ igihugu ya Cameroon ‘Les Lions Indomptables’ ababwira ko igihugu cy’ u Rwanda kibari inyuma.

Kuri iki Cyumweru tariki 17 Ugushyingo 2019 nibwo kuri Sitade ya Kigali hateganyijwe umukino uhuza u Rwanda na Cameroon mu rwego rwo gushakisha itike y’ igikombe cya Afurika cya 2021.

Nk’ uko bigaragara ku rubuga rwa Minisiteri ya Siporo, Minisitiri Mimosa yasuye abakinnyi ababwira ko Abanyarwanda bakeneye insinzi y’ uyu munsi, anabizeza ko u Rwanda rubari inyuma.

Kapiteni w’ ikipe y’ u Rwanda Haruna Niyonzima yavuze mu izina ry’Abakinnyi b’ AMAVUBI ko biteguye guharanira ishema ry’Igihugu berekana umukino mwiza kandi ushimishije ndetse baharanira gutsinda.

Amavubi umukino wa mbere wo gushaka itike ya CAN 2021 yawutsinzwe na Mozambique ibitego 2-0.

Minisitiri mushya wa Siporo Mimosa ubusanzwe uzwi cyane mu mukino wa basketball yasezeranyije Abanyarwanda kuzateza imbere imikino yose binyuze mu gufatanya na za federasiyo kwimakazwa ihame ry’ ubufatanye no kubahiriza igihe.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...