AMAKURU

UKWEZI
ubumwe

Kigali: Abagore batwite bakoze siporo yabo y’ umwihariko [AMAFOTO]

Kigali: Abagore batwite bakoze siporo yabo y’ umwihariko [AMAFOTO]
24-10-2019 saa 00:22' | By Nsanzimana Ernest | Yasomwe n'abantu 8670 | Ibitekerezo 6

Abagore barenga 100 bitabiriye siporo y’ umwihariko yagenewe abagore batwite bavuga ko iyi siporo yabashimishije cyane. Dr Nyirinkwaya avuga ko iyi siporo ari ngombwa ku mugore wese utwite.

Iyi siporo yabereye mu mugi wa Kigali yateguwe n’ umuryango utegamiye kuri leta witwa "Children and Youth Organisation". Umuyobozi w’ uyu muryango Mukasa Nelson avuga ko abagore batwite bakeneye kumenya ko nabo bagomba gukora siporo.

Agira ati “Ntibakwiye kumva ko bagomba kwicara amezi icyenda...akajya ku kazi akicara yarangiza akajya mu rugo akicara, bigira ingaruka nyinshi kuri we na wa mwana uri mu nda ntabwo aba ameze neza".

Mukasa wakoresheje aba bagore siporo avuga ko hari abagore benshi ndetse n’abagabo bumva ko umugore agitwita atagomba gukora siporo.

Dr Jean Nyirinkwaya, umuganga w’indwara z’abagore mu mujyi wa Kigali avuga ko ahubwo gukora siporo abisaba abagore bose batwite akurikirana.

Ati "Umubyeyi utwite ntagomba kumva ko abaye indembe, oya. Agomba gukora imyitozo nko kugenda n’amaguru, kurambura umubiri, koga, kuko nta ngaruka zigira".

Uwizeyimana Libérée atwite inda y’amezi umunani, yari amaze gukora urugendo no kurambura umubiri hamwe n’abandi, yabwiye BBC ati: "Ndananiwe cyane kuko ntabwo nari nsanzwe ngenda urugendo rungana gutya ariko byamfashije no gukorana n’abandi,ni ibintu byiza".

Mukasa avuga ko hariho imyumvire ko umugore utwite umubiri we uba ntacyo ushoboye, ibi ngo bigatuma nawe ashobora kubyumva gutyo kandi bikamugiraho ingaruka.

Ati: " Twasanze rero nubwo yaba atwite akwiye kugira ubwisanzure kandi akumva ko ashoboye nk’abandi. Abagabo nabo bakwiye guhindura imyumvire ku mugore utwite".

Mukasa avuga ko imyitozo babakoresha yoroheje kandi nta ngaruka igira yaba ku utwite inda ntoya cyane cyangwa ifite inda nkuru.




INKURU ZA :
Tanga Igitekerezo
Ibitekerezo 6
karuhanga ivan Kuya 22-11-2019

icyonacyo kitwereka akamaro ubuyobozi bwurwanda burusha ibindi bihugu njye ndiyuganda

karuhanga ivan Kuya 22-11-2019

icyonacyo kitwereka akamaro ubuyobozi bwurwanda burusha ibindi bihugu njye ndiyuganda

Umubyeyi lenatha Kuya 30-10-2019

Nukuri nibyiza gukora sport kubagore batwite mbega biranashimishije

PelagieMukamurenzi Kuya 29-10-2019

Nibyokoko sport kubagorebatwite ningenzi nibakomerezeaho murakoze

Tuyishime Chantal Kuya 24-10-2019

Siporo kubamama batwite ningenzi mubuzima bw’umubyeyi ark nomucyaro mujye mubageraho kuko bi

Innocent Kuya 24-10-2019

Aaaah! Ko mbona bamwe babyariramo? Abandi bayikoze n’ibitenge!!! Birashimishije

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...