AMAKURU

UKWEZI
cheno 2020

Jules Ulimwengu yavuze ibyo atazibagirwa mu gihe gito yamaze muri Rayon Sports

Jules Ulimwengu yavuze ibyo atazibagirwa mu gihe gito yamaze muri Rayon Sports
22-05-2020 saa 13:15' | By Twagirayezu Vincent | Yasomwe n'abantu 1384 | Ibitekerezo 1

Jules Ulimwengu wahoze akinira ikipe ya Rayon Sports yatangaje ko mu buzima bwe atazigera yibagirwa ibihe byiza yagiranye n’iyi kipe harimo no kuyifasha kwegukana igikombe cya shampiyona n’ubwo yayimazemo igihe gito.

Uyu mukinnyi wo mu gihugu cy’u Burundi yaje muri Rayon Sports mu mikino yo kwishyura mu mwaka w’imikino wa 2018-2019 avuye muri Sunrise FC ayifasha kwegukana igikombe cya shampiyona ari nawe rutahizamu uyoboye abandi mu bitego mu Rwanda aho yar afite ibitego 20 agakurikirwa na Michael Sarpong wari ufite 16.

Jules Ulimwengu aganira na Isimbi yavuze ko mubyo atazigera yibagirwa harimo kuba yarafashije iyi kipe y’abafana benshi mu Rwanda kwegukana igikombe mu gihe gito yamazemo, kimwe n’urukundo abafana bayo bamugaragarije.

Ati “Ikintu nzibuka nafashije Rayon Sports ni ukwegukana igikombe cya shampiyona mu gihe gito nari nyikiniye. Ni cyo kintu nibuka cyane. Ikindi nabwira abafana ba Rayon Sports ndabakunda cyane kandi ndabibuka cyane sinzabibagirwa bamenye ko mbakunda cyane”

Jules Ulimwengu yaje muri Rayon Sports mu ntangiro za Gashyantare 2019 ubwo imikino yo kwishyura ya shampiyona yari igitangira akomezanya nayo kugeza ubwo ayifashije gutwara igikombe. Yaje kuyivamo ubwo urwego rw’abinjira n’abasohoka mu Rwanda rwasangaga akoresha ibyangombwa bihimbano yakoreshaga akina nk’Umunyarwanda, ubwo yari atangiye gukorwaho iperereza ahita asubira mu Burundi agifitiye Rayon Sports amasezerano y’umwaka umwe.

Ubu Ulimwengu ari mu Burundi bikaba bivugwa ko yaba ashobora kwerekeza mu ikipe ya Yanga Africans yo muri Tanzania.


INKURU ZA :
Tanga Igitekerezo
Ibitekerezo 1
Nand Kuya 23-05-2020

Ntawe utaragukundaga

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...