AMAKURU

UKWEZI
pax

Ibiganiro hagati ya Rayon Sports na Hakizimana Muhadjiri ntacyo byagezeho

Ibiganiro hagati ya Rayon Sports na Hakizimana Muhadjiri ntacyo byagezeho
26-06-2020 saa 19:03' | By UKWEZI | Yasomwe n'abantu 1228 | Ibitekerezo

Ibiganiro byahuje Rayon Sports na rutahizamu Hakizimana Muhadjiri kuri uyu wa Gatanu, byarangiye ntacyo bitanze ahubwo yayisabye ko yamuha ikindi cyumweru cyo kubitekerezaho.

Byari byitezwe ko Hakizimana Muhadjiri asinyira Rayon Sports kuri uyu wa Gatanu, ahawe miliyoni 15 Frw n’umushahara wa miliyoni 1.2 Frw ku kwezi.

Mu gitondo, Hakizimana Muhadjiri yagiye kuganira n’Umuyobozi wa Rayon Sports, Munyakazi Sadate, aho akorera ku Kimihurura ndetse uruhande rwa Rayon Sports rwari rwizeye gusinyisha uyu mukinnyi.

Ibiganiro byamaze isaha irenga, ntacyo byatanze nyuma y’uko Hakizimana Muhadjiri asabye ko mu masezerano yagirana n’iyi kipe hashyirwamo ingingo ivuga ko yakwemererwa kuva muri Rayon Sports igihe icyo aricyo cyose haba hari indi kipe imushatse.

Bivugwa ko hari ikipe yo muri Maroc yaba yifuza uyu mukinnyi. Yanga SC yo muri Tanzania nayo iravugwa mu gihe AS Kigali ngo yifuje guha Muhadjiri miliyoni 20 Frw ku myaka ibiri, akabyanga.

Hakizimana Muhadjiri nta kipe afite nyuma yo gutandukana na Emirates Football Club yakiniraga muri Leta Zunze Ubumwe z’Abarabu kuva muri Nyakanga 2019.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...