AMAKURU

UKWEZI
cheno 2020

Coronavirus: Premier League, UEFA Champions League na EUROPA zahagaritswe

Coronavirus: Premier League, UEFA Champions League na EUROPA zahagaritswe
13-03-2020 saa 14:45' | By Twagirayezu Vincent | Yasomwe n'abantu 507 | Ibitekerezo 1

Ishyirahamwe ry’umupira w’amaguru ku mugabane w’Uburayi (UEFA) ryemeje ko imikino yose ya UEFA Champions League na EUROPA League yagombaga kuba mu cyumweru gitaha ihagaritswe ku mpamvu zo gutinya icyorezo cya Coronavirus gikomeje gukwirakwira ku migabane yose y’isi.

Kuri uyu wa Gatanu kandi ishyirahamwe ry’umupira w’amaguru mu Bwongereza ryemeje ko shampiyona ihagarara kuzageza tariki ya 04 Mata 2020 nyuma y’uko umutoza mukuru wa Arsenal, Michael Arteta na rutahizamu wa Chelsea, Collum Hudson Odoi banduye Coronavirus.

Nk’uko itangazo ubuyobozi bw’iri shyirahamwe ryashyize ahagaragara kuri uyu wa Gatanu tariki ya 13 Werurwe ribivuga, imikino ya Champions League na Europa League yahagaritswe mu buryo bwo gukaza ingamba zo gukumbira iki cyorezo nk’uko ubuyobozi bwa bimwe mu bihugu byo ku mugabane w’Uburayi bwafashe ingamba zo guhagarika imikino ya shampiyona n’ibikorwa by’imyidagaduro byose bihuza abantu benshi.

Itangazo riragira riti “Bitewe n’ikwirakwira ry’icyorezo cya Covid-19 ku mugabane w’Uburayi ndetse n’ingamba zagiye zifatwa na za Leta z’ibihugu bitandukanye hagamijwe gukumira iki cyorezo, imikino yose ya UEFA Champions League na Europa League yari iteganyijwe mu cyumweru gitaha irasubitswe kugeza igihe hazongera gutangarizwa igihe izabera.”

Mu cyumweru gitaha hari hateganyijwe imikino ya 1/8 cya Champions League yari kuzaba kuwa Kabiri no kuwa Gatatu n’iya Europa League isanzwe iba kuwa Kane, imwe mu mikino yabanjirije iyi ikaba yarabaye mu muhezo nta bafana bari mu ma sitade.

Iki cyemezo gifashwe nyuma y’uko umwe mu bakinnyi b’ikipe ya Juventus asuzumwe bikagaragara ko yanduye iki cyorezo ndetse n’umwe mu bakinnyi ba Real Madrid.
Ku rundi ruhande nyinshi muri za shampiyona zo ku mugabane w’Uburayi nazo zahagaritswe bitewe n’uko abakinnyi bazikinamo bakomeje kugaragaza ibimenyetso by’aka gakoko. Shampiyona y’u Budage, iy’u Butaliyani ndetse na Premier League y’Abongereza bimaze kwemezwa ko ihagarikwa nyuma y’uko abakinnyi n’abatoza bamwe bayo bagaragaweho iyi ndwara.

Ku mugoroba w’’ijoro ryakeye nibwo umutoza w’ikipe ya Arsenal, Michael Arteta, Rutahizamu w’ikipe ya Chelsea Collum Hudson Odoi byatangajwe ko banduye iki cyorezo, ikaba ari imwe mu mpamvu zatumye ishyirahamwe ry’umupira w’amaguru mu Bwongereza rikora inama n’aboyobozi b’amakipe yo mu cyiciro cya mbere n’icya kabiri igamije guhagarika shampiyona zose zo mu Bwongereza.

Inama irangiye hemejwe ko shampiyona ihagarara kugeza ku itariki ya 04 Mata 2020 nibwo hazafatwa umwanzuro niba yakongera gusubukurwa mugihe iki cyorezo cyaba kimaze guhabwa umurongo ku mugabane w’Uburayi no ku isi yose muri rusange.

Shampiyona y’Ubwongereza yahagaritswe nyuma y’uko umutoza wa Arsenal yanduye Covid-19


INKURU ZA :
Tanga Igitekerezo
Ibitekerezo 1
peter NSENGIYUMVA Kuya 23-03-2020

nsuhurizamyugariro wa reyonsport

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...