konka coffee
KONKA

AMAKURU

UKWEZI

Abakunzi ba Mukura Victory Sports baba I Burayi bayihaye inkunga

Abakunzi ba Mukura Victory Sports baba I Burayi bayihaye inkunga
6-06-2018 saa 12:15' | By Muhizi Olivier | Yasomwe n'abantu 2229 | Ibitekerezo

Umunyarwandakazi Marie Claide Safari,Umufana ukomeye w’ikipe ya Mukura VS, uba mu Butaliyani yafatanyije n’abandi bafana baba hanze y’igihugu n’aba hano mu Rwanda bihebeye iyi kipe bayigenera inkuga y’ibikoresho bitandukanye.

Marie Claire Safari uvuka mu karere ka Huye yavuze ko afana ikipe ya Mukura nk’ikipe yo mu karere yavukiyemo, akaba ariyo mpamvu yagize uruhare mu kuyishakira inkunga.

Kuwa Kabiri tariki 5 Gicurasi 2018, nibwo aba bafana barangajwe imbere na Marie Claire bashyikirije iyi kipe ibikoresho, avuga ko ari iby’agaciro gufasha ikipe y’iwabo.

Yagize ati “Tuza twazanye imyenda ya Mukura VS kugirango tubereke ko tubahoza ku mutima twabazaniye amakote, imyenda yo gukorana imyitozo ,ibikapu byo gutwaramo imyenda n’inkweto nyine ntabwo twibagiwe ikipe y’iwacu ni muri urwo rwego twabitekereje ,turashaka kubahuza n’amakipe akomeye “.

Safari kandi arasaba abakinnyi ba Mukura gukomeza gukorera hamwe no gushyimisha abatuye umugi wa Huye .

Umunyamabanga wa Mukura VS, Fidel Niyobuhungiro nawe aganira n’itangazamakuru yishimiye iyi nkunga. Ati “Ni ibintu byadushimishije cyane ,kubona abakunzi bacu baba I burayi batuzirikana iyi nkunga iradufasha cyane kurushaho gukora neza ndetse no gushimisha abafana bacu kuko Mukura n’ikipe ya cyera ifite n’abafana benshi buriya birereka abafana bacu bari ahandi kw’isi ko ikipe yacu igihari “.

Kuri ubu iyi kipe ya Mukura yo mu karere ka Huye ari naho ituye ikanahakorera imyitozo iri ku mwanya wa 8 n’amanota 28 ku rutonde rw’agateganyo rwa Shampiyona y’icyiciro cya mbere mu mupira w’amaguru mu Rwanda muri uyu mwaka wa 2018. Mukura Victory Sports yahawe ibikoresho birimo n’imyambaro yo gukinana no gukorana imyitozo Safari utuye mu Butariyani afatanyije n’abandi banyarwanda baba iburayi bahaye inkunga Mukura

Byari ibyishimo kubayobozi ba Mukura


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...