AMAKURU

UKWEZI
ubumwe

Abakinnyi ba Rayon Sports bemerewe agahimbazamusyi kadasanzwe mbere yo kwerekeza muri Sudan

Abakinnyi ba Rayon Sports bemerewe agahimbazamusyi kadasanzwe mbere yo kwerekeza muri Sudan
23-08-2019 saa 10:08' | By Nsanzimana Ernest | Yasomwe n'abantu 2017 | Ibitekerezo

Ubuyobozi bw’ Ikipe ya Rayon Sports bwemereye abakinnyi b’ iyi kipe ko nibatsinda Al Hilal buri mukinnyi azahabwa ibuhumbi 400 y’ agahimbazamukinnyi.

Umukino wa Rayon Sports na Al Hilal ni umukino wo kwishyura uteganyijwe ku cyumweru tariki 25 Kanama 2019, saa moya n’igice z’umugoroba ku isaha yo mu Rwanda.

Umukino wa Total CAF Champions League wahuje aya makipe warangiye anganyije 1-1. Ikipe izakomeza hagati y’izi zombi, izahura n’izakomeza hagati ya Rahimo FC yo muri Burkina Faso na Enyimba FC yo muri Nigeria. Enyimba yatsindiwe muri Burkina Faso igitego 1-0 mu mukino ubanza.

Rayon Sports ubwo yahagurukaga I Kigali yerekeza I Khartoum muri Sudan yagiye mu byiciro bitatu. Hari abanyuze Entebbe muri Uganda, abandi banyura Addis Ababa naho abandi banyura I Nairobi muri Kenya. Biteganyijwe ko itsinda rya mbere rigera I Khartoum saa yine irindi rikahagera saa sita irindi rikahagera saa kumi.

Bitewe n’ ibura ry’ imyanya ihagije mu ndege hari abantu batatu basigaye barimo , Umutoza ushinzwe kongerera imbaraga abakinnyi, umutoza w’ abazamu na Rukundo Fidele ushinzwe ikinyabupfura.

Ntibyari bisanzwe ko Rayon Sports yemerera abakinnyi bayo agahimbazamusyi kangana gutya, gusa abakurikiranira hafi iby’ umupira w’ amaguru bavuga ko bavuga ko aka gahimbazamusyi karatera abakinnyi ba Rayon Sports ishyaka ryinshi.

Aka gahimbazamusyi gashyizwe ku meza mu gihe ikipe ya APR FC mukeba wa Rayon Sports yamaze kwegukana igikombe cy’ amakipe y’ ingabo z’ ibihugu mu marushanwa ari kubera muri Kenya.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...