konka coffee
KONKA

AMAKURU

UKWEZI

AS Kigali itangiye irushwanwa ry’igikombe cy’Intwari itsinda APR FC

AS Kigali itangiye irushwanwa ry’igikombe cy’Intwari itsinda APR FC
26-01-2019 saa 20:18' | By Nizeyimana Ronald | Yasomwe n'abantu 1157 | Ibitekerezo

Umukino wahuzaga ikipe ya APR FC na AS Kigali kuri Sitade ya Kigali i Nyamirambo mu mikino y’igikombe cy’Intwari warangiye ikipe ya AS Kigali itsinze APR FC igitego 1-0

Ni irushanwa ngarukamwaka ritegurwa n’Urwego rw’igihugu rushinzwe Intwari, impeta n’imidari by’ishimwe ku bufatanye na federasiyo y’umupira w’amaguru mu Rwanda mu rwego rwo kuzirikana intwari z’igihugu.

Amakipe yombi yatangiye asatirana kuburyo bukomeye kuko nko kumunota wa 4 AS Kigali yahushije uburyo bwari bwabazwe aho Niyomugabo Claude yazamukanye umupira mu ruhande rw’ibumoso yatanga mu rubuga rw’amahina hakabura uwukozaho ikirenge.

Ntibyatinze kuko mu minota micye cyane APR FC nayo yaje kuzamukana umupira Isaa Bigirimana ahaye umupira Hakizimana Muhadjil awutera hejuru y’izamu gato.
Nyuma y’iminota micye APR FC yagaragaje ko ifite ikibazo mu bwugarizi bwayo nyuma yo kubura kwa Imanishimwe Emmanuel na Fitina Ombolenga batakinnye uyu kubera kubera ko bari kwitegura kujya gukina hanze y’u Rwanda.

APR FC yakoze impinduka nyinshi cyane muri uyu mikino kuko abakinnyi basanzwe babanzamo abenshi ntabwo bakinnye uyu mukino, ibi byahaye amahirwe ikipe ya AS Kigali yo gukina yidegembya imbere y’izamu rya APR FC.

Ntibyatinze kwigaragaza kuko ku munota wa 29 Nshimiyimana Ibrahim yatsindiye AS Kigali igitego ku burangare bw’ab’inyuma na Nyezamu Fiacre wataye izamu rye. Igice cya mbere kitararangira, ku munota wa 42 Umutoza Jimmy Mulisa yakoze impinduka ngo arebe ko yishyura igitego akuramo Sekamana Maxime ashyiramo Byiringiro Lague. Gusa izi mpinduka ntacyo zatanze kuko igice cya mbere cyarangiye AS kigali iyoboye n’igitego kimwe.

Igice cya kabiri cyatangiye APR FC ifite inyota yo kwishyura igitego ariko abataha izamu birabangira. Rukundo Denis wakinaga ku mwanya wa Fitina Ombolenga yaje guha umwanya Rusheshangoga Michel naho Nsengiyumva Moustafa asimbura Isaa Bigirimana gusa izi mpinduka zose nta kintu zamariye APR FC kuko umukino waje kurangira AS Kigali iryamye ku gitego cyayo kimwe ndetse isimbuza umukinnyi umwe gusa aho Benedata Janvier yasimbuye Ssentongo Faouk.

Abakinnyi babanje mukibuga kumpande zombi:

APR FC: Ntwari Fiacre, Iranzi Jean Claude, Rukundo Denis, Songayingabo Shaffy, Rugwiro Herve, Nizeyimana Mirafa, Bigirimana Issa, Buteera Andrew, Sugira Ernest, Hakizimana Muhadjiri na Sekamana Maxime.

AS KIGALI: Bate Shamiru, Ntamuhanga Tumaini (C), Harerimana Rachid Leon, Niyomugabo Claude, Ngandu Omar, Bishira Latif, Ntare Djumaini, Ishimwe Kevin, Nsabimana Eric Zidane, Ssentongo Farouk, Nshimiyimana Ibrahim.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...