AMAKURU

UKWEZI

Rayon Sports yarokowe n’igitego cya Rutanga Eric mu mukino w’ishiraniro na Gor Mahia

Rayon Sports yarokowe n’igitego cya Rutanga Eric mu mukino w’ishiraniro na Gor Mahia
6-05-2018 saa 22:01' | By Muhizi Olivier | Yasomwe n'abantu 1942 | Ibitekerezo 3

Kuri iki Cyumweru, Rayon Sports yari yakiriye Gor Mahia FC mu mukino wa mbere wo mu matsinda wa CAF Confederation Cup, umukino wamaze iminota 50 imvura iri ku mugongo abakinnyi ariko Rayon Sports ibasha kwihagararaho imbere ya Gor Mahia banganya igitego 1 kuri 1.

Uyu mukino wabaye kuri iki Cyumweru tariki 6 Gicurasi 2018 kuri Sitade ya Kigali iri i Nyamirambo. Umukino watangiye ubona amakipe yombi yigana ariko Gor Mahia itanga Rayon Sports kwinjira mu mukino maze ku munota wa 8 rutahizamu w’umunyarwanda ukinira Gor Mahia, Kagere Meddie atsinda igitego cyambere cya Gor Mahia ndetse ikomeza gusatira cyane ibifashijwemo n’umukinnyi wayo wo hagati Francis Kahata Nyambura wazengereje abakinnyi ba Rayon Sports.

Ismaila Diarra nawe ku ruhande rwa Rayon Sports yagerageje kuzonga ab’inyuma ba Gor Mahia anabakoresha amakosa bivamo umupira w’umuterekano watewe na Rutanga Eric imbere y’izamu, igitego cya mbere cya Rayon Sports kiba kirabonetse ku munota wa 22.


.

Gor Mahia yabaye nk’itunguwe iva mu mukino ndetse n’imvura nyinshi itangira kugwa ariko Rayon Sports nayo ntiyabibyaza umusaruro. Igice cya mbere cyarangiye amakipe yombi anganya ubusa ku busa. Igice cya kabiri gitangiye umutoza wa Rayon Sports yakoze impinduka Ismaila Diarra asimburwa na Kwizera Pierrot ku munota wa 57 ariko imvura yari yaguye ari nyinshi mu kibuga yatumaga umupira utava aho uri.

Bonfils Kaleb Bimenyimana yasimbuye Nyandwi Sadam ku munota wa 67, aeri nako Gor Mahia yakomezaga gusatira cyane ari nako abakinnyi bayo bahusha ibitego barimo Kagere Meddie ndetse na Jacques Tuyisenge.

Mu gice cya kabiri cyose ntacyo Rayon Sports yakoze kigaragara ahubwo Gor Mahia niyo yayoboye umukino nko kuva ku munota wa 55 kugeza umukino urangiye ariko byarangiye amakipe yombi anganya 1-1. Rayon Sports izakurikizaho Younger Africans yo muri Tanzaniya tariki 16 Gicurasi 2018, umukino ukazabera ku kibuga cya Yonger.


INKURU ZA :
Tanga Igitekerezo
Ibitekerezo 3
NIZEYIMANA Kuya 11-05-2018

RAYN SPORTKOMEREZAHO

ndacyasenga Kuya 8-05-2018

Yarirokoye kuko na Eric ni rayon sport is

Twiringiyimana Kuya 7-05-2018

Rayon sport tukurinyuma komeza utsinde muri confederation cup.

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...